La importancia de los xestos

Prestaríame qu'aquel xestu qu'aconteciera nun segundu durare infinitamente. Onde naide viera nada, sólo daqué insignificante, yo sintí dalgo más, como un respigu prestosu.

Al xuntase les nuestres manes y cruciase les nuestres miraes, una gran paz interior invadió'l mio cuerpu y la mio mente. El tocar suave de la so mano casi aterciopelada y la so sonrisa dulce, fíciéronme escaecer per un momentu tolo que m'acaeciera aquella mañana tan mala. De la so boca, tan nagüada por mí dende'l día que mos conociéramos, salió la so voz diciéndome les pallabres que sabía que yo esperaba.

El so cuerpo y la so mente facíenseme imposibles d'algamar entós, pero al dir pasando les selmanes, les nuestres conversaciones diben siendo cada vegada más frecuentes y profundes y la so mirada cada vegada guardaba más deseu.

Agora tou camudaba. Él yá nun tenía naide nin nada que lu amarrara. Sentíase perorguyosu de lo que yera.

Decisiones enquivocaes

Llegué antes de qu'él apaiciera. Al entrar pela puerta sintí una brisa na nuca, y tuvi un presentimientu de que dalguna cosa mala me diba a pasar. Y nun m'enquivocaba.
Al pocu tiempu oyí como s'abría la puerta y como los sos pasos s'allegaben a mí. Sentóse enfrente miu y quedóse mirándome a los güeyos. Yo nun quería qu'aquello acaeciera, pero nun había marcha atrás. Cuando me contó la so decisión, un halu de tristeza y desesperación apaició alredor miu y fue destruyendo tolos resquicios d'ilusión que la mi mente tenía. Un nudu nel gorgüelu nun me dexaba casi nin respirar y unes llárimes entameren a arrollar pela mio cara hasta caer tráxicamente en suelu.
Col pocu resuellu que me quedaba nesi momentu, entrugé-y que porqué lo facía. Nun supo dame una respuesta que me convenciera. Él intentó secame les llárimes, pero yá yera tardi. El dañu yá taba fechu.